അളവുകോല്‍

കൂട്ടുകാരാ സ്നേഹത്തിന്‍റെ-

അളവുകോല്‍ എനിക്കും പറഞ്ഞുതരുമോ?

എന്‍റെ സ്നേഹം ഒന്ന് അളക്കാനാ!!!!

ഔണ്‍സ് ഗ്ലാസില്‍ അളന്നപ്പോള്‍-

അളവ് തെറ്റുന്നു 

അളന്നു മുറിച്ചു നീ മാറ്റിയപ്പോള്‍-

അളക്കാന്‍ പറ്റാതെ -

ചിതറികിടക്കുന്നു എന്‍റെത്‌!!!

തൂലിക

എഴുതാന്‍ മറന്ന കഥകൂട്ടുകള്‍ 
എന്നെ ഉറങ്ങാന്‍ വിട്ടിരുന്നില്ല 

എഴുതാന്‍ തുടങ്ങുമ്പോള്‍-

കഥാപാത്രങ്ങള്‍ എന്നില്‍-

നിന്നും അകലുകയും-

ചെയ്യുന്നു!!

പടവാള്‍ ഏന്തിയ തൂലികക്ക്-

അവയെ പിടിച്ചു കെട്ടാനും-

പറ്റിയില്ല.....

അടവുകള്‍ മറന്ന തൂലികയെ-

ഉപേക്ഷിക്കാനും മനസനുവദിച്ചില്ല!! 

എഴുതാന്‍ പേപ്പറും തൂവലും എടുത്തപ്പോള്‍
മാഷിതീര്‍ന്നു എന്ന് കണ്ടത് 

മഷി എടുത്തു വന്നപ്പോള്‍ 

വാക്കുകളും മറന്നു 

പക്ഷെ ഗര്‍ഭപാത്രത്തില്‍ അവ-

എന്നെ ഇക്കിളി ആക്കുന്നുണ്ടായിരുന്നു   

വേദനയുടെ സംഹാരാതാണ്ടവം- 

മൂര്‍ധന്യത്തിലെങ്കിലും 

വാക്കുകള്‍ പിറന്നു വീഴാന്‍-

ഇഷ്ടപെട്ടില്ല...

പ്രേമം

സ്വപ്‌നങ്ങള്‍ വാക്കുകള്‍ ആയപ്പോള്‍

ഞാന്‍ അവയെ പ്രേമിക്കാന്‍ തുടങ്ങി 

പക്ഷെ അവ നൊമ്പരം നിറഞ്ഞ-

പ്രണയം മാത്രമായിരുന്നു 

പിരിയാന്‍ മനസ് പറഞ്ഞപ്പോള്‍-

വേദനയുടെ ചട്ടക്കൂടില്‍ അകപ്പെട്ടന്നു-

മനസിലായത്  

മഞ്ചാടി

എണ്ണാന്‍ മറന്ന മഞ്ചാടിക്കുരുക്കള്‍ എന്‍റെ നഷ്ടങ്ങള്‍ ആണ്

വര്‍ണ്ണ പ്രപഞ്ചം തീര്‍ത്ത വളപ്പൊട്ടുകള്‍-

വഴീ ചിതറി പോയിരിക്കുന്നു

എങ്കിലും പുസ്തകത്തില്‍-

ആകാശം കാണാത്ത മയില്‍പ്പീലി  അപ്പോഴും ഉണ്ടായിരുന്നു  

പ്രസവ വേദനയുടെ കാലൊച്ച-

കേള്‍ക്കാത്തതിനാല്‍ തുറക്കാന്‍ ഭയമായിരുന്നു

പുസ്തകം മാറോട് ചേര്‍ത്ത്

മനസുക്കൊണ്ട് മഞ്ചാടി എണ്ണാനും-

വളപോട്ടുകള്‍ കൊണ്ട്-

വര്‍ണ്ണം തീര്‍ക്കാനും തുടങ്ങിയിരുന്നു 

കഥ

ഓരോ കഥയിലെയും കഥാപാത്രമായി 

ഞാന്‍ മാറാറുണ്ട് 

പക്ഷെ എന്നെ കഥാപാത്രമാക്കി 

കഥ ഉണ്ടാവുന്നില്ല 

എന്താ ! എനിക്കു കഥാപാത്രത്തിന്‍റെ 

രൂപമില്ലേ

അതോ ! എന്‍റെ രൂപത്തെ കഥാപാത്രമാക്കാന്‍ 

പറ്റില്ലേ ? 

ബലി

മൃതിയടഞ്ഞ സ്വപ്നങ്ങള്‍ക്ക് 

ബലിയിടാന്‍ മറന്നത് കൊണ്ടാണോ എന്നറിയില്ല 

അവ എന്നെ തേടി വരുന്നത് 

ബലികാക്കകള്‍ ഓര്‍മ്മപ്പെടുത്തലുകള്‍ ആവുമ്പോഴും 

ചോറുരുളകള്‍ ഒരുക്കാന്‍ മനസ്സനുവദിച്ചില്ല

ഓര്‍മകളില്‍  തലോടാന്‍ 

വേദനയില്‍  ഈറനാവാന്‍  

ഇപ്പോഴും അവ മനസിന്‍റെ-

മോര്‍ച്ചറിയില്‍!!!